Buchan voorspel, toe reën dit

Standard

Buchan voorspel, toe reën dit

2009-09-20 00:00

//

Angus Buchan in Upington


Johannes de Villiers

In Upington – so sê die mense – boer hulle aan die een kant van die teerpad met druiwe en aan die ander kant met vee. Daarom bid niemand vir óf teen reën nie. Dit sal net tot kwaaivriendskap lei.

Maar dit het die evangelis Angus Buchan nie gekeer om verlede Saterdag in die Danie Kuys-stadion te voorspel dat die dorp danksy ’n bonatuurlike ingryping reën gaan sien nie. En na verneem word, het niemand in die Kalahari gekla nie toe ’n ligte reënbui Maandag daar uitgesak het.

“Reën nou is goed vir die veeboere en dis nog vroeg genoeg dat die wynboere nie sal kla nie,” sê ’n inwoner, mnr. Jeremy Swart.

Upington gons glo soos selde tevore. Pastoors vertel hulle moes Sondag ekstra stoele by hul kerke indra. En in die plaaslike Pick n Pay, waarvan Swart die eienaar is, klets mense in die gangetjies en in die toue oor min anders as Buchan.

“Jy kan sien die ou het die mense aangeraak.”

Ongeveer 7?500 mense het Saterdag na Buchan geluister.

Past. Dekker Stadler van die plaaslike Volle Evangelie Kerk vertel sy kerk bars uit sy nate sedert Buchan se besoek. En dis nie asof hy lidmate by die ander kerke afrokkel nie – die AGS is net so vol.

“Dit is die grootste geestelike gebeurtenis nog ooit hier.”

Volgens inwoners steek dit ook nie in elke prediker se broek om Upington in beroering te kry nie. Die beroemde Duitse evangelis Reinhard Bonnke het die dorp ’n rukkie gelede besoek, maar het ná die tyd glo verklaar die dorp is te droog vir hom – nie net klimaatsgewys nie, maar ook geestelik.

Buchan, daarenteen, is ekstaties. Hy het sy preek verlede Saterdag begin met die voorspelling dat reën op sy besoek gaan volg. Teen Sondag was daar wolke en teen Maandag was die reën daar – effens ylerig oor Upington, maar sterker in Kakamas se rigting.

“Dis ’n woestyn, maar binne 24 uur ná ons veldtog het Jesus sy pragtige reën oor Upington laat uitsak,” borrel Buchan.

“Ek wonder wat al die nuwe bekeerlinge gedink het toe die reën begin val? Hoe goed is God nie!”

– Rapport

Advertisements

3 thoughts on “Buchan voorspel, toe reën dit

  1. Old Angus know how to use a radio. The weather bureau predicted rain for the region. Perhaps he must preach to the farmers a little on how to tune in to the weather report. What a wanker.

    Like

  2. En toe bid hy vir reen op George en die Droogte raak erger as ooit … Hy het die weervoorspelling verkeerd gelees !!! Ha ha ha

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s